Тъехты Т.Т.,
Цӕгат Ирыстоны паддзахадон педагогон институты
ирон ӕвзаджы теорийы кафедрӕйы хистӕр наукон кусӕг

Цӕрукъаты Алыксандрӕн йӕ поэзи куыд хъӕздыг, мидисджын ӕмӕ бирӕвӕрсыг у, ахӕм схонӕн нӕй йӕ прозӕ — стыр поэтӕй уыцы-иу рӕстӕг стыр прозаик дӕр арӕх нӕ рауайы. Уыимӕ Цӕрукъайы-фырт ӕнӕмӕнг хайджын уыд прозаикы курдиатӕй — рацыд ын радзырдты ӕмбырдгонд [1], йӕ радзырдтӕ ӕмӕ уацаутӕ мыхуыргонд цыдысты газеттӕ ӕмӕ журналты. Уыимӕ сӕхуыздӕрты — «Мӕлгӕ аццы кафт», «Зӕрдӕйы тӕрхон», «Мидхъуырдухӕн», «Дымгӕ хъазыди митфӕлдзӕгъдӕнтӕй» ӕмӕ иннӕты ис философон хъуыдытӕ, интимон ӕнкъарӕнтӕ, патриотон мотивтӕ, ома, йӕ поэзийӕн сӕйрагдӕр чи уыд, ахӕм миниуджытӕ. Йӕ зондахаст, йӕ цӕстӕнгас цардмӕ ам дӕр поэты сисы ахорӕнтӕй ӕвдыст цыдысты ӕмӕ дзы баххӕстгӕнинӕгтӕ ис йӕ лирикон хъайтарты фӕлгонцтӕм. Поэты хуыздӕр, аивадон ӕгъдауӕй ӕнӕлаз радзырдтӕй иу «Ку, Тангуга...» [2, 5-7] ахӕм баххӕстгӕнинаг у йӕ фыд Ибрагимы номарӕн ӕмдзӕвгӕты циклмӕ.

Рӕстзӕрдӕ фӕллойгӕнӕг бабын репресситы рӕстӕг, ӕмӕ суинаг поэты цӕрын бахъуыд «адӕмы знаджы» уаргъимӕ. Зындзинӕдтӕ ‘взӕрста, ӕмӕ йӕ мысинӕгты уыцы рӕстӕджы тыххӕй афтӕ зӕгъы: «Мӕнӕн мӕ фыд дӕр 1937 азы репрессигонд ӕрцыд. Ӕз цыма авддӕлдзӕхмӕ ныххаудтӕн, ӕмӕ мыл дуне хуыдалынг бацис, афтӕ фӕдӕн. Уыцы дунейы талынгдзинад абон дӕр мӕ цӕстытӕй нӕхицӕн кӕны. Иунӕгӕй-иу мӕхимидӕг уыхеры, саухъуырдухӕн кодтон, уымӕн ӕмӕ мӕ фыды рӕстдзинад зыдтон. Уый йӕ адӕмӕн знаг куы уыдаид, уӕд Хъарманы скъола, фӕндаг ӕмӕ ӕндӕр хорз хъуыддӕгтӕ нӕ сарӕзтаид...» [3] Уымӕ гӕсгӕ йӕ поэтикон сфӕлдыстады цӕрӕнбонты ӕвдыста йӕ фыдмӕ уарзондзинад, кад ын кӕй кӕны, ӕмӕ ма ноджы — фыдгӕнджытӕй йӕ кӕй нӕ бахъахъхъӕдта, уый тыххӕй йӕхи аххосджын кӕй хоны. Ӕрыгон лӕппуйы бон ницы уыд, фӕлӕ ӕцӕг поэт ӕдзух йаехицӕй фылдӕр домы. Уды хъизӕмарӕй равзӕрдысты йӕ хуыздӕр ӕмдзӕвгӕты ‘мрӕнхъ лӕууӕг «Мӕ фыдӕн» ӕмӕ «Кӕуынц дыл ныр дӕр ма». Ӕрдзы рӕсугъд нывтӕ ‘вдисгӕйӕ, зӕгъы, йӕ фыд ӕй арвӕрдыныл балцмӕ кӕй фӕхуыдтаид, бирӕ алыхуызон хабӕрттӕ йын кӕй ракодтаид. Ӕмӕ зӕгъы, йӕ ном йӕ кӕстӕртӕй рох кӕй никуы уыдзӕн. Уыимӕ йӕ мысинӕгты не ‘мбӕхсы йӕ судзгӕ фӕсмон дӕр: «Мӕ фыды тыххӕй-иу мын мӕ ных куы къуырдтой, мӕ уд-иу мын гӕркъайы хуынчъы куы аластой, ӕрдуйы хидыл-иу мӕ куы ауайын кодтой, уӕд-иу хатт лӕмӕгъ разындтӕн хъысмӕты цӕфтӕн ӕмӕ-иу мӕ фыды азымы дардтон, дӕу тыххӕй мын афгӕ кӕнынц, зӕгъгӕ. Куы йӕ сраст кодтой, уӕд фӕкъӕмдзӕстыг дӕн, фӕсмонгӕнгӕйӕ мӕхи раст кӕнын поэтикон рӕнхъыты <...> Уый мӕ трагеди уыдис, удыхъӕды фехӕлд, цард мӕ афгӕ скодта». [3]

Поэзийы — сабибонты рӕсугъд ӕнкъарӕнтӕ, мысинӕгты — фӕсмон. Цы ӕвдыст цӕуы уӕдӕ прозаикон уацмысы та?

Радзырд ӕнӕхъӕнӕй дӕр у чысыл сидзӕр уды хъысмӕтыл хъарӕг. Сывӕллон кӕуы йӕ фыдмӕ. Не ‘мбары, знон дӕр ма йын хъазӕн куы ‘рбахаста, уӕд ныр цы фӕци, уый. Сюжетӕй бӕрӕг у, фыд ӕмӕ лӕппуйы ‘хсӕн ӕнгом ахастытӕ кӕй уыд. Чи зоны, уый ирддӕрӕй равдисыны тыххӕй фыссӕг нӕ ныв кӕны мады фӕлгонц. Бӕрӕг у ӕрмӕст, тухигӕнӕг, йӕ мойы ӕнустӕм нӕ рохгӕнӕг сылгоймаг кӕй уыд. Ӕдзух дыккаг пъланы ис — кӕрты архайы, дон хӕссынмӕ ауад, фӕлӕ уыдӕттӕй дӕр бӕрӕг у, йӕ сабиты царды фӕндагмӕ йӕхӕдӕг кӕй ракӕндзӕн, ӕндӕр амонд йӕхицӕн кӕй нал аккаг кӕны.

Дарддӕр — фыды номӕй загъд иунӕг хъуыды: «Ма тыхс, ницӕмӕй тас мын у... Ленины фарн мемӕ ис». Сбӕрӕг, коммунисты зондахастӕй хайджын, советон цардыуаг йӕ зӕрдӕмӕ хӕстӕг айсӕг лӕг кӕй у. Ацы ныхӕстӕй радзырды автор ӕвдисы хуымӕтӕг фӕллойгӕнӕджы уды рӕстдзинад.

Фыды ацу мае ма ‘рцуйы фӕндагыл кӕнӕг лӕгахсджыты фӕлгонц дӕр ирд ӕмӕ бӕлвырд у ӕрмӕстдӕр иу нывы руаджы — лӕгахсӕг «батаеригъӕд кодта» сывӕллонӕн, ма йӕ райхъал кӕн, зӕгъгӕ. Уый фӕстӕ фӕнадтой хистӕр, 13-аздзыд сывӕллоны.

Уӕдмӕ баиу сты ӕрдзы тызмӕг нывтӕ («Зноны арф митыл ма ноджыдӕр бафтыди. Фӕбынӕй сты Кикийы дысоны къахвӕдтӕ...») ӕмӕ сидзӕры хъысмӕтыл хъарӕг («Ку, Тангуга... Ацы райсом, дӕ фыды уӕрджытыл бадгӕйӕ, нал бакастӕ пецы артмӕ. Нал федтай, картофтӕ фӕнычы нуӕрстӕй куыд фыцынц. Нал, Тангуга, нал...»). Ацы хуымӕтӕг нывтӕй та хатдзӕгтӕ скӕнӕн ис ирон хӕдзары, ирон бинонты цардыуаджы тыххӕй.

Фӕзынд, лӕппуйы фыдимӕ хасты чи уыд, ахӕм лӕг ӕмӕ радзырдта, нӕхимӕ, Тангугамӕ цӕуын, зӕгъгӕ, уыцы ныхӕстимӕ куыд мард, уыдӕтты тыххӕй. Ӕмӕ та — фӕстӕмӕ сабидуг, Тангуга кӕуы. Иу ныв ӕххӕст кӕны иннӕйы, ӕмӕ сюжет, аивадон мадзӕлттӕ бӕлвырддӕр кӕнынц.

Хицӕнӕйӕвзаринагукуыд ацы радзырды,афтӕӕппӕтпрозаикон уацмысты иу миниуӕг. Хъайтарты нӕмттӕ арӕхдӕр сты кӕне йӕхи ӕрхъуыдыгонд, кӕнӕ хӕрз стӕм хатт ӕмбӕлӕг: Кики, Тангуга, Баби («Ку, Тангуга...»), Занчуллӕ («Мӕлгӕ аццы кафт»), Гӕгӕч, Гуызӕрӕт, Дзокъи, Илкъоз («Дымгӕ хъазыди митфӕлдзӕгъдӕнтӕй»), Глеууа, Хъылмаз, Къӕззон («Кӕдӕм рараст Глеууа»), Гаффузӕт, Дӕлботт («Гаффузӕт») ӕмӕ аф.д. Критик Ардасенты Хадзыбатыр, радзырд «Мидхъуырдухӕн» ӕвзаргӕйӕ, бафиппайдӕта: «Персонажтӕн нӕмттӕ равзарын дӕр иу хъуыддаг у. Хорз нӕу, Алыксандр йӕ персонажты нӕмттыл фаг кӕй нӕ ахъуыды кодта, уый. Цавӕр нӕмттӕ сты Чанауат, Баге ӕмӕ Гицга?» [4,238] Ӕмтгӕйрайсгӕйӕ,радзырдӕн скодта стыр аргъ: «Мидхъуырдухӕн» фыст у хъӕууон ахуыргӕнджыты цардыл, фӕлӕ радзырды сӕйраг идейон мидис ахуыргӕнджыты ӕмӕ скъолайы цард равдисын нӕу. Ам ныхас цӕуы адӕймаджы зӕрдӕйы ӕнкъарӕнтыл, хицӕн адӕймӕгты ахастдзинӕдтӕ равдисыныл, уарзондзинад ӕмӕ бинонты хъысмӕтыл.

Адон сты, нырыонг ирон прозаикон уацмысты, уӕлдайдӕр радзырдты, афтӕ арф ӕвӕрд чи нӕма ӕрцыд, ахӕм проблемӕтӕ. Радзырд у, персонажты зӕрдыуаг психологон ӕгъдауӕй арф ӕвдыст кӕм цӕуы, ахӕм, ӕмӕ уый фӕрцы ӕвӕрд цӕуы нӕ хуыздӕр радзырдты ӕмрӕнхъ. Уый у ног фӕзынд нӕ фӕстаг азты прозӕйы» [4, 105]

Ацы ныхӕстӕ хауынц поэты ӕппӕт прозаикон уацмыстӕм дӕр.

Литературӕ:

1. Цӕрукъаты Алыксандр. Ӕзынма дӕ ӕцӕг зонын. Орджоникидзе: Ир. 1963.

2. Цӕрукъаты Алыксандр. Ку, Тангуга... // Мах дуг. 1999. № 12. 5-7 ф.

3. Абайты Э. Ссардта уды хъизӕмары йӕ амонд // Рӕстдзинад. 1998. 10 дек.

4. Ардасенты X. Нӕ прозӕйы сӕйрагдӕр темӕ ссис абоны цард // Ардасенты X. Рӕстӕджы улӕфт. Орджоникидзе: Ир, 1984. 238 ф.

Источник:
Тъехты Т.Т. Фыды фӕлгонц поэты прозӕйы (Цӕрукъаты Алыксандры радзырд «Ку, Тангуга…» мӕ гӕсгӕ) // Известия СОИГСИ. Школа молодых ученых. 2010. Вып. 4. С. 193 - 196.

Царукаев Александр

Александр Ибрагимович Царукаев родился 12 декабря 1918 г. в сел. Карман-Синдзикау Северной Осетии. Отец, бедный горец, в поисках заработка в молодости побывал в разных городах России, а также в Америке (1913). Вернувшись в Осетию, он в 1918 г. вступил в Коммунистическую партию, активно участвовал в гражданской войне.
Александр окончил семилетку в родном селе, рабфак и учительский институт. В 1940 г. начал работать в Ногкауской средней школе, потом в Урсдонской. Одновременно продолжал учитъся заочно в Северо-Осетинском педагогическом институте и в 1951 г. окончил его. В 1957 г. он окончил также Литературный институт им. Горького в Москве. С этого времени и до пенсии А. Царукаев работал редактором Северо-Осетинского издательства «Ир».
В 1933 г. в районной газете «Сурх Дигора» впервые появились стихи А. Царукаева, их стали публиковать газета «Растдзинад» и журнал «Мах дуг».
Первый сборник А. Царукаева «Стихи» («Ӕмдзӕвгӕтӕ») вышел в 1947 г. Основное место в сборнике занимала военная тематика, а также тема героического труда колхозников.
С каждым новым сборником заметно растет поэтическое мастерство А. Царукаева, и он постепенно овладевает разными жанрами, от короткого лирического стихотворения до эпических поэм.
Легенда «Олений водопад» исполнена высокой поэтической нежности.
Проникновеные стихи посвятил поэт Великому Октябрю «В черном лесу» («Сау хъӕды»), Ленину, «Сказание, рожденное в сердце» («Зӕрдӕйӕ райгуыргӕ таурӕгъ») О любви детей к Ильичу поэт рассказывает и в сборнике детских стихов «Дед, внучка и целитель» («Дада, чызг ӕмӕ хосгӕнӕг»),
В стихах, вошедших в сборник «Будто стою я перед святыней» («Цыма лӕууын ӕз кувӕндоны раз»), поэт славит человека наших дней. Есть здесь и мотивы неудовлетворенности сделанным, суровой правды прошедшего, противоречий бытия. В сборнике — цикл о молодом поколении, принявшем эстафету мужества, стихи интимного характера, стихи о природе родного края.
В поэзии А. Царукаева, особенно в произведениях для детей, видное место занимают фольклорные мотивы.
А. Царукаев написал ряд рассказов и коротких повестей: «Мне казалось — знаю тебя» («Ӕзынма дӕ ӕцӕг зонын»), «Сомнение» («Мидхъуырдухӕн»), «Суд сердца» («Зӕрдӕйы тӕрхон»), «Танец умирающего аиста» («Мӕлгӕ аццы кафт»), «Ветер играл снежными вихрями» («Дымгӕ митфӕлдзӕгъдӕнтӕй хъазыд»), «Между жизныо и смертью» («Цардӕй мӕлӕты 'хсӕн»), «Искры огня» («Зынджы стъӕлфӕнтӕ») и др. В рассказе «Сомнение» автор анализирует душевные порывы своих героев, противопоставляя их чистоту и целеустремленность мещанскому благополучию и обывательским рассуждениям о семье, браке и любви. А. Царукаев перевел на осетинский язык стихи Дж. Родари, А. Барто, К. Чуковского, поэтов братских республик и социалистических стран. Его произведения также переводятся на русский и другие языки.

http://osetins.com/2007/10/27/carukaev-aleksandr.html